French (Fr)GasconEspañolBasque
Tuesday, April 24, 2018

Ço qui boulém – prouduìsẹ per noùstẹ

Dabàn la horte industrialisacioû de tout ço qui minyàm e las crises alimentàris qui-s seguéchẹn, que-ns hè rèyte de tournà troubà lou goust bertadè de las causes. À la fayçoû dou moubemén « Locavore » ou de las AMAP (Assouciacioû ta goardà l’Agriculture Paysane), las poumes Vasconià que soun coelhudes e benudes s’ou medich parsâ au pè de las Pirenées.

Prouduìsẹ s’ou loc
Que dam la garantide aus noùstẹs counsoumatoùs l’ourigine loucale de las noùstẹs poumes vasconià. Lous noùstẹs prouductoùs que soun plâ counegùts e que tribalhen coum cau en respectàn la nature e lous òmis desempùch méy de 10 ans.

Aydà à croumpà méy plâ
Entér Lanes, Bascoàt e Biarn, lous noùstẹs lous noùstẹs cliàns que pòdẹn d’are enlà croumpà diferéntes barietàts de poumes Vasconià causides p’ous noùstẹs prouductoùs permoù que soun sabrouses ta minyà e cousinà. Qu’éy ûe garantide d’ourigine loucale e de qualitàt assegurade entà touts.

Arrenabì lous ligàmis
Tournà troubà lou goust bertadè de las causes, qu’éy tabé tournà descoubrì û parsâ e lou sabé-ha dous biélhs de noùstẹ. Quoan lous noùstẹs prouductoùs e-s engadyèn à goardà ûe part de la loue prouduccioû entàu marcàt de noùstẹ, que-s amassèn héns ûe assouciacioû, Vasconià, à Lahountâ (64). La soûe boucacioû qu’éy de rapressà lous counsoumatoùs dous prouductoùs en garantìn l’ourigine loucale de las poumes Vasconià coum tabé en han counéchẹ û mestiè soubén descounegùt, qui demande paciénci e amoù de la nature.

Emparà l’ecounoumie de noùstẹ
En dan baloù à la prouduccioû loucale, Vasconià que countribue à counserbà lous noùstẹs beryès. Que permét de ha bàlẹ l’agriculture de noùstẹ entà que lous prouductoùs de poumes e poùchquẹn bìbẹ dou lou tribàlh e saubà lous emplécs ligàts de près. Aquéths emplécs qu’an à bédẹ en particuliè dap la talhe dous àrbẹs e la coelhude e que demanden qualificacioûs entad acò.

Las poumes Vasconià que soun en seguide distribuades aus benedoùs proufessiounàus de frute e legumàdyẹ qui s’engadyen éths tabé à bénẹ s’ou marcàt de noùstẹ.

Entà acabà, Vasconià que tribalhe dap prouductoùs d’embalàdyẹs, emprimàyrẹs e enterpréses dou parsâ entà la coumunicacioû e la coumercialisacioû de las soûes poumes.