French (Fr)GasconEspañolBasque
Tuesday, April 24, 2018

Las noùstẹs poumes – las noùstẹs recèttes - La tourte fulhetade dap poumes Vasconià

La tourte fulhetade dap poumes Vasconià

Recètte de Moussù Vaquier, pastisserie la Tourtière, 12 rue St-Vincent à Dax (40)

Pastisserie – entà 6 – coéyte : 30 min à 180°C

Ço qui cau
Garniture :

  • 1kg de poumes Vasconià Royal Gala ou Belchard Chantecler ou Rubinette
  • 125g de sùcrẹ en poudre
  • 10 cl d’Armagnàc
  • 1 sacoutét de sùcrẹ banilhàt
  • Paste :
  • 250g de harîe
  • 125g de bùrrẹ moutch
  • Miéy-béyrẹ d’aygue
  • 1 prése de sau

Quin cau ha la paste
Ha ûe houn dap la harîe, hicà-y chic à chic l’aygue salade abàns de ha-se-n û bòlou. Estirà la paste dap û roullèu sus û taulè de tribàlh enhariàt. Qu’a d’està prou fine. Hicà lou bùrrẹ amoudìt dessùs, sus toute la surface, rebàtẹ lous quoàtẹ cors, dechà repausà 80 minutes.

Preparacioû
Pelà puch talhucà fî las poumes Vasconià. Saupicà dap lou sùcrẹ banilhàt. Arrousà dap l’Armagnàc, remudà de plâ. Tournà estirà la paste arroùn lou repàus, plegà-le en trés e tournà coumençà 6 cops aquéste auperacioû en dechàn pausà 10 min à cade cop. Mulhà dap Armagnàc. Burrà ûe coucoutière à tarte, esténẹ la mieytàt de la paste, hicà-le sus tout lou houns de la coucoutière. Hicà lous fîs talhucòts de poume, coubrì dap l’àutẹ mieytàt de paste plâ estirade. Soudà lous estréms de la paste dap ûe fourchéte enhariade.

Coéyte :
Còsẹ 30 mn à 180°c e sucrà en sourtìn dou hour. Serbì dous.