French (Fr)GasconEspañolBasque
Friday, January 19, 2018

Las noùstẹs poumes – las noùstẹs recèttes – Coumpote de poumes Vasconià dap meréngue

Coumpote de poumes Vasconià dap meréngue

Au hour – entà 4 à 6.

Ço qui cau
Entà la coumpote

  • 1kg de poumes Vasconià Reinette grise du Canada - Rubinette
  • 2 culhéres de sùcrẹ moulùt
  • Miéy-béyrẹ d’aygue
  • Miéy-citroû
  • Miéy-sacoutét de sùcrẹ banilhàt

Entà la meréngue

  • 4 blancs d’oéus
  • 250g de sùcrẹ moulùt
  • 30g de bùrrẹ
  • 1 culhére de harîe

Quin cau ha la coumpote Vasconià ?
Pelà e talhucà à troussòts las poumes Vasconià. Hicà héns û cachole ou û fetoù, saupicà dap las dues culherades de cassounade e da plou sùcrẹ banilhàt. Arrousà dap lou yus dou miéy-citroû e dap lou miéy-béyrẹ d’aygue (arré méy). Plâ coubrì la cachole ou lou fetoù e cauhà à hoéc mieyancè pendén 5 à 10 minutes dinqu’à que las poumes e sìẹn yùstẹ téndrẹs. Sourtì dou hoéc, descoubrì e esglachà las poumes entà abé ûe coumpote dap encoère quàuquẹs tros ou sinoû ûe coumpote en broye fine subàn lou bòstẹ goust. Boeytà la coumpote héns û plat à tarte ou à gratî e goardà à la temperature deu loc.

Entà ha la meréngue
Birà lous quoàtẹ blancs d’oéus en néu dap û batùr elettrìquẹ héns û saladiè prou haut dap ûe prése de sau. Hicà drin à drin la cassounade, ûe culhére au cop chéns dechà de bàtẹ lous blancs. Û cop beròy fèrmẹs, coubrì lou plat de coumpote dap ûe bère espessoù de meréngue. Hourneyà pendén 30 à 45 minutes. Sourtì dou hourn quoan la meréngue éy beròy daurade. Dechà arredì e serbì dous.