French (Fr)GasconEspañolBasque
Tuesday, April 24, 2018

Las noùstẹs poumes – las noùstẹs recèttes – Crumble gourmàn dap poumes Vasconià

Crumble gourmàn dap poumes Vasconià

Pastisserie – entà 6 – coéyte : 35 min à 180°C – termostàt 6

Ço qui cau

  • 1kg de poumes* Vasconià Royal Gala - Belchard Chantecler - Rubinette *sìẹ 6 poumes à pus près
  • 50g de cassounade
  • 20g de bùrrẹ
  • lou yus d’û citroû
  • Entà la paste dou crumble :
  • 100g de harîe
  • 100g de cassounade
  • 75g de bùrrẹ
  • 1 prése de sau

Entà ha la paste dou crumble
Dap ûe culhére de boys, mesclà la harîe, lou sùcrẹ e la sau héns û saladiè. Ha foùndẹ lou bùrrẹ à tout dous e en prestìn la paste dap la punte dous dits. Ha-n û bòlou plâ mesclàt, hicà-u héns û plat entà dechà-le repausà à pus près dues ores héns lou frigò (lous méy pressàts que pòdẹn sautà aquéste pause.

Quin cau ha
Prémẹ lou citroû. Pelà puch talhucà las poumes Vasconià en troussòts. Amassà-us héns û plat drin pregoùn e mulhà da plou yus de citroû. Ha foùndẹ lous 20gr de bùrrẹ héns ûe padère e ha arrebiénẹ lous troussòts de poume. Saupicà da plous 50 gr de cassounade à miéye-coéyte. Talèu qui lous troussòts e-s gahen couloù e bàdẹn tan per tan moutchs, sourtì dou hoéc e goardà.

Coéyte
Burrà û moùllẹ à gratî, hicà-y lous troussòts engoère dous. Esbrigalhà la paste de « crumble » sus toute la surface entà coubrì las poumes. Còsẹ 35mn à 180°c. 10mn abàns la sourtide dou hour, tirà-n lou plat, saupicà à la mâ drin de cassounade e tournà enhournà dinqu’à la fî dou téms de coéyte.
Serbì dous dap ûe culhére de créste de lèyt entàus méy gourmàns.